پیامک مناسبتی
ماه محرم
هر دردمند رسمدور ایستر دوائری
غمگین اولان همیشه گزر غمفزائری
بو افتخاری ایله نصیب ای خدا منه
مدفن منه اولنده اولا کربلائری
اولدوم ازلدن عشقینه دل بستها حسین
هجران غمیله روحیم اولوب خستها حسین
ال آچمیشام سواله قاپیندا گدا کیمین
شیش گوشه قبرینه منی سن ایستها حسین
مشتاقوام سعادت اولا بیر جواز آلام
زوار اولام مزاریوه من امتیاز آلام
آب فراتون آخدوقجان موجونا باخام
اول ائدیب گیلایه صونرا دستماز آلام
کرب و بلا، آئین ده اوّل آیه اولدی
نطق حسین، قرآنونان، همپایه اولدی
بیر شور و غوغا خلقته سالدی بو نهضت
روز قیامتده، قیامت سایه اولدی
کجوللارا کیم تابع اسلام اولا گتمز
وجدانی اولان شخصه هر اقدام اولا گتمز
هر کیم دوشونوب فلسفه قتل حسینی
ظلم و ستمون تحتینه اعدام اولا گتمز
هر کیمسه حسین عشقینه دل باغلاسا خوشدور
قلبین شرر محنتیله داغلاسا خوشدور
اوزده گئدیب آغلاماقین ارزیشیوخدور
منظور شه دینی بیلیب آغلاسا خوشدور
سینه سینه سؤزوم جوشه گلدی
یادیما قبر شیش گوشه گلدی
ای اورک قان اولوب گؤزاشی توک
فاطیمه ناله سی گوشه گلدی
کسدی اشرار-ی-دنی سۇوْلۇنێ
تئشنه سقّانون آلۇب ساغ سوْلۇنێ
هم ساغێن سالدێلار هم سوْل قوْلۇنێ
نئجه قان آغلاماسۇن داش بۇ گۆن
سالدێ دونیایه شرر شیمری دَنی
کسدی عطشان سری شاهی زَمَنی
قالدێ باشسێز قۇروئرده بده‌نی
نئجه قان آغلاماسۇن داش بۇ گۆن
قلبیم غمیله دولسا ابوالفضله آغلارام
گوللر چمنده سولسا ابوالفضله آغلارام
یاد ایلرم اوساعتی کی دوشدی قوللاری
عومروم مین ایلده اولسا ابوالفضله آغلارام
